Алматыдағы лай көшкінінен зардап шеккендер әлеуметтік қорғау органдарына барып, өтемақы ала алады.

Әр отбасыға мемлекет 100 АЕК көлемінде көмек көрсетеді деп мәлімдеді қала әкімінің орынбасары Юрий Ильин журналистермен болған кездесу барысында.

Оның айтуынша, зардап шеккен әрбір тұрғынға мемлекет тарапынан көмек көрсетіледі. “Егер сақтандыруы болса онда сақтандыру компаниялары тиісінше жұмыс істейтін болады.

“Ал егер ғимараттар заңсыз салынған болса немесе мемлекеттің қорғауындағы жерге салынса, онда мемлекет тарапынан ешқандай ақшалай көмек көрсетілмейді”, – деді әкім орынбасары.

Ильиннің айтуынша, Наурызбай ауданында қазір арнайы штаб құрылып, тұрғындарды қауіпсіз аймаққа көшіру жұмыстарымен және келтірілген шығындарды есептеу жұмыстарымен айналысқан. Эвакуацияланған адамдар саны 900-ге жетті. Жарақат алғандар мен құрбандар жоқ.