Астанада жаңа оқу жылынан бастап жоғары оқу орындарындағы сыбайлас жемқорлық туралы WhatsApp мессенджері арқылы хабар беруге болады, - деп хабарлайды 24.kz.

"Жаңа оқу жылынан бастап "WhatsApp бойынша бірыңғай номер" жобасын жүзеге асырамыз. Бұл арқылы әрбір студент, әрбір оқытушы шағымдарын жолдай алады. Жоба Сыбайлас жемқорлыққа қарсы күрес туралы заңға сай жүргізіледі", - деді Астана қаласы Жастар саясатын қолдау мемлекттік қорының директоры Бақытжан Жүнісбеков.

Телеарнаның мәліметінше, сауалнама барысында елордадағы әрбір төртінші студент оқытушыларға пара беруге дайын екені, сонымен қатар студенттердің 11 пайызы университеттеріндегі жемқорлық дерегі туралы білетіні анықталды. Студенттердің 29 пайызы оқытушылардың бұған өздері итермелейтіндерін айтқан.