Алматы жастары метрода Абай әндерін шырқады. «Абай жолы» атты флеш-мобты қалалық Жастар саясаты мәселелері жөніндегі басқарма жанындағы Жастар саясатын дамыту Мемлекеттік қоры ұйымдастырды. 100-ге тарта жас өрен Байқоңыр стансасынан Абай стансасына дейінгі аралықта жолаушыларға тегін концерт ұйымдастырып, домбырамен ақын Абайдың «Көзімнің қарасы» әнін әуелете шырқады. Абай стансасында Т.Жүргенов атындағы Өнер Академиясы жанындағы колледж бен Қыздар педагогикалық университетінің студенттері «Желсіз түнде жарық ай» туындысын орындады.