Алайда қабылданған хаттамалардың орындалу барысын талдау нәтижесінде бірқатар кемшіліктер анықталған. Атап айтқанда, облыстық  полиция департаментіне штат санын толықтыру және қажетті ақпараттарды ұсыну жөнінде жүктелген міндеттер әлі күнге дейін толық орындалмаған. Сонымен қатар отбасылық-тұрмыстық зорлықзомбылықтың алдын алуға бағытталған бейнероликтерді кинотеатрлар мен әлеуметтік желілерде жариялау, сондай-ақ рейдтік іс-шаралар ұйымдастыру бойынша берілген тапсырмалар облыс әкімдігі, ақпарат және қоғамдық даму басқармасы мен жергілікті атқарушы органдар тарапынан тиісті деңгейде жүзеге асырылмай отыр. Бұдан өзге, облыстық денсаулық сақтау басқармасы мен жергілікті әкімдіктерге агрессорлармен медициналық ұйымдар деңгейінде жұмыс жүргізу тапсырылғанымен, бұл бағыттағы шаралардың сапасы әлі де төмен деңгейде қалып отыр. Сонымен қатар облыстық білім басқармасы тарапынан ат а-ана лар комитеттеріне нормативтік- құқықтық  актілерді жеткізу және түсіндіру жұмыстары да тиісті дәрежеде ұйымдастырылмай келеді. Бұған қоса, аталған екі басқармаға колледждер мен жалпы орта білім беру ұйымдарына ерте жүктіліктің алдын алу мақсатында семинарлар мен кездесулер өткізу міндеттелген. Алайда бұл бағыттағы жұмыстар да толық әрі жүйелі түрде жүзеге аспаған.

Серік Жақсылықұлы бұл тапсырмалар жекелеген тұлғаның емес, комиссия мүшелері мен қоғам өкілдерінің бірлескен шешімі екенін ерекше атап өтті. Сондай-ақ ол аталған шаралардың бір жолғы науқан емес, тұрақты бақылауды қажет ететін жүйелі жұмыс екенін ескертіп, жауапты мекемелерді бекітілген бағдарлама лар мен жоспарлар аясында өз міндеттерін сапалы орындауға шақырды. Кемшіліктерді түзету үшін бір ай мерзім белгіленді. Күн тәртібіндегі алғашқы мәселе бойынша облыстық полиция департаменті қоғамдық қауіпсіздік басқармасы отбасылық-тұрмыстық зорлық-зомбылыққа қарсы күрес бөлімінің бастығы Диляфруз Кенжеханова баяндама жасады. Спикер отбасылық тұрмыстық зорлық-зомбылықтың алдын алу бағытындағы жұмыстар мен құқықбұзушылықтардың қазіргі ахуалын саралады.

– Осы жылдың бірінші тоқсанының қорытындысы бойынша облыста отбасылық тұрмыстық қатынастар саласындағы қылмыстар саны өткен жылдың сәйкес кезеңімен салыстырғанда 55,2 пайызға төмендеп, 67-ден 30 дерекке дейін азайды. Есепті кезеңде полиция органдарына отбасылықтұрмыстық зорлық-зомбылық бойынша 1 166 арыз өтініш түсіп, олардың басым бөлігі бойынша тиісті шаралар қабылданды. Әкімшілік құқықбұзушылық туралы кодекстің 73-бабымен 1 066 құқыққа қарсы әрекет қаралып, нәтижесінде 919 қорғау нұсқамасы шығарылды және құқық бұзушылардың мінезқұлқына 130 ерекше талап белгіленді. Сондай-ақ қорғау нұсқамасын бұзу деректерінің азаюы байқалып, барлығы 58 жағдай тіркелді.

Облыста жұмыс істеп тұрған дағдарыс орталықтарына 24 әйел мен 67 бала орналастырылып, оларға жан-жақты көмек  көрсетілді. Сонымен қатар өмірлік қиын жағдайға тап болған 59 отбасы анықталып, олармен кешенді жұмыстар жүргізу үшін тиісті мекемелерге жолданды. Алдын алу жұмыстары аясында полиция департаменті мен мүдделі органдар бірлесіп 653 іс-шара өткізді, – деді Д.Кенжеханова.

Баяндамашының есебінен кейін бірқат ар аудандағы отбасын қолдау орталықтарының жұмысына қатысты түйткілді мәселелер көтерілді. Атап айтқанда, Жуалы, Мойынқұм, Т.Рысқұлов, Сарысу, Талас және Шу аудандары тарапынан орталықтардың жұмысы туралы нақты ақпараттың ұсынылмауы және полиция бөлімдерімен бірлескен профилактикалық ісшаралардың мүлдем жүргізілмеуі сынға алынды. Серік Сәлемов осы мәселелерге назар аударып, орталықтардың қағаз жүзінде ашылғанымен, ғимарат пен қаржыландыру мәселелеріне байланысты жұмыс істемей тұрғанын, сондай-ақ полиция қызметкерлерімен арадағы кері байланыстың жоқтығын қатаң ескертті. Мамандардың сигналдық хабарламалармен жұмыс істеуді әлі де толық меңгермеуі мен ведомствоаралық байланыстың әлсіздігі жұмыс с апасын тежеп отырғаны айтылды. Осыған байланысты Серік Жақсылықұлы бір аптада барлық аудандағы отбасын қолдау орталықтары мен жергілікті полиция қызметкерлерінің басын қосып, ортақ жұмыс алгоритмін түзу қажеттігі жөнінде тапсырма берді. 

Арна ЖҰМАТАЙ