Ол – 2025 жылғы республикалық слетте еліміздегі кәмелетке толмағандар ісі жөніндегі ең үздік инспектор атанған. Соңғы бес жылда оның әкімшілік аумағында жасөспірімдер арасындағы қылмыс тіркелмеген, бұл – жүйелі профилактикалық жұмысының нақты нәтижесі.

Эльмира Рахатқызы педагогика, психология және құқық салаларын қатар меңгерген. Көпжылдық тәжірибесін ұштастыра отырып, жасөспірімдермен жұмыс істеудің тиімді әдістерін енгізіп келеді.

Ол әріптестерімен тәжірибе бөлісіп, құқық бұзушылықтың алдын алу бағытындағы семинарлар мен кездесулерде өзінің кәсіби тәсілдерін таныстырады. Ол – «Қазіргі балалар психологиясы», «Бала дауысы», «Жасөспірімдер құқық бұзушылықтарының алдын алу», «Сервистік полицияға бір қадам» сынды еңбектердің авторы. Бұл еңбектер қоғамда бала тәрбиесі мен қауіпсіздігі мәселелерінде тәрбиелік бағыт-бағдар беруде өз үлесін қосып келеді. Оның қызметі–мейіріммен жауапкершіліктің үйлесімі.

Эльмира Байниязова жасөспірімдердің дұрыс жолды таңдауында және әр баланың болашағына сенім ұялатуда бар күш-жігерін аямайды.

Оралхан ДӘУІТ