Іс-шараға АИТВ инфекциясының алдын алу орталығының қызметкерлері арнайы қатысты. Кездесу барысында медицина саласының мамандары инфекцияның таралу қаупін азайтуға арналған заманауи алдын алу әдістерін кеңінен талқылап,  сотталғандар арасында АИТВ инфекциясының алдын алу шараларының маңыздылығын атап өтті. 

Сондай-ақ олар арнайы контингент арасында АИТВ-ға байланысты тексеру және тестілеу жұмыстарын жандандыру үшін құқық қорғау органдары мен медициналық мекемелер арасындағы ынтымақтастықтың айрықша рөл атқаратынына тоқталды. Бұдан бөлек жиында сотталғандар арасында жүргізілген алдын алу жұмыстары мен түзеу мекемелерінде тәуекелді мінез-құлық факторларын төмендету бойынша ұсыныстар айтылды.

Айта кетейік, 1988 жылы қабылданған БҰҰ Бас Ассамблеясының шешіміне сәйкес жыл сайын 1-желтоқсанда Дүниежүзілік денсаулық сақтау ұйымының шешімімен ЖИТС-ке қарсы Халықаралық күрес күні аталып өтіледі.