Қазақстан мен Қырғызстан шекарасында темекі өнімдерін заңсыз әкелу әрекеті тоқтатылды. 17 маусымда «Ауқатты» автобақылау бекетінде заңсыз темекі партиясы ұсталды.
Мемлекеттік кірістер органдары мен Шекара қызметінің бірлескен шаралары нәтижесінде Қырғызстаннан келе жатқан жүк көлігінің жасырын бөлігінде 198 мың қорап «Oris» хабарланбаған темекі анықталды.
Темекі бұйымдарында акцизделетін өнімге арналған сәйкестендіру белгілері болмаған. Іс жүргізу шешімін қабылдау үшін барлық материалдар Жамбыл облысы бойынша Экономикалық тергеп-тексеру департаментіне жіберілді.
Қазақ-қырғыз шекарасында тауарлардың заңсыз өткізілуінің алдын алу бойынша Мемлекеттік кірістер органдары мен Шекара қызметінің бірлескен шаралары жалғасын табатын болады.
Гүлнұр АБДАЛИЕВА
Жамбыл облысы бойынша мемлекеттік кірістер департаментінің Түсіндіру жұмысы және байланыс орталығы басқармасының басшысы
Ұқсас жаңалықтар
