Іс-шараға ақынның жары, айтыскер ақын, ҚР Мәдениет саласының үздігі Ербол Қамбатыров қатысып, әсерлі де, әдемі әзілдерімен кеш көркін қыздырды. К.Әзірбаев атындағы облыстық филармонияның әншісі Мадина Сағынбекова ақынның «Ақ қанат көбелек, аппақ қар», «Гүл сыйлашы маған» сынды танымал әндерін орындады. Айтулы кеште Үміт Қыранқызының өлеңдері оқылып, ақынның өлеңіне жазылған «Сағындым сені, мама», «Қыздар-ай, қыздар», «Сен мені сағынбайсың ба?» сынды көпшіліктің көзайымына айналған әндер де тыңдармандармен бірге шырқалды.

Орталықтың белсенді қызмет алушысы Ш.Әшірбеков, М.Байдалиев пен орталық қызметкерлері А.Дігәр, Р.Әлжановалар ақынның туындыларын орындап, ақын шығармашылығына құрмет көрсетті.

Кеш соңында Белсенді ұзақ өмір орталығы директорының әлеуметтік жұмыстар жөніндегі орынбасары Баян Оразбекова әсерлі де, әдемі кеш сыйлаған өнер иесіне ризашылығын білдіріп, сый-сияпат көрсетті.

Салтанат ӘЛІМҚҰЛОВА,

«Белсенді ұзақ өмір» орталығының қазақ тілі нұсқаушысы.