Басқосуға мекеме бастығы, әділет подполковнигі Бақтияр Онбаев, оның орынбасары Әміржан Дәулетбаев және жеке құрам қызметкерлері қатысты. Жиында ең әуелі сөз алған Бақтияр Әлмаханұлы жеке құрам қызметкерлерінің алдына нақты міндеттер қойды. 
Ол өз сөзінде ҚАЖ қызметкерлерінен мекемедегі құқықтық тәртіпті нығайту, жазасын өтеушілердің арасында құқық бұзушылықтардың алдын алу жөніндегі жұмыстарды жетілдіру және сотты болғандарды жұмыспен қамтамасыз ету бағытында кешенді жоспарларды өз деңгейінде орындалуы талап етілетінін баса айтты. 
Сондай-ақ, жиында жасақ бастығы, әділет капитаны Руслан Балықбаев баяндама жасап, жазасын өтеушілерді қоғамға қайта бейімдеу бағытында атқарылып жатқан жұмыстарға тоқталды.