Көрнекті мемлекет және қоғам қайраткері Д.А. Қонаевтың атын алған облыстық және жасөспірімдер кітапханасында арда азаматтың өмірі мен қызметін дәріптеу, жас ұрпаққа үлгі ету, тұлғаның мұрасын жаңғырту мақсатында «Ұлы даланың - ұлы тұлғасы» атты дөңгелек үстел өтті, деп хабарлайды aqjolgazet.kz
Тәрбиелік тағылымы мол шараға филология ғылымының докторы, ғалым Сәмен Құлбарақ, Жамбыл облысының Құрметті азаматы Амангелді Кәрентаев, филология ғылымдарының кандидаты, доцент Темірбай Мұқашев, М.Х.Дулати атындағы Тараз өңірлік университет оқытушысы, әдебиеттанушы Бақытжан Махашев және жас оқырман қатысты.
Дөңгелек үстел барысында Д.А.Қонаев Халықаралық қоғамдық қоры Жамбыл облыстық бөлімшесінің қолдауымен жарық көрген «Қонаев қоры: тарих және тағылым» кітабының тұсаукесер рәсімі өтті. Кештің арнайы қонағы ҚР Еңбек сіңірген қайраткері, К.Әзірбаев атындағы Жамбыл облыстық филармония әншісі – Бақыт Шағырбаев ән шашуын сыйлады. Арнайы инсталяциялық кітап көрмесіне шолу жасалынды.
Салтанатты жиынға атсалысқан жас оқырмандарға қоғамдық қор атынан арнайы Алғыс хаттар табыс етілді.
Ұқсас жаңалықтар
