Өзінің 17 жылдан астам өмірін азаматтық қорғау саласына арнап, Жуалы ауданының тұрғындары мен әріптестерінің құрметіне ие болып келеді. 2007 жылдан бері №7 өрт сөндіру бөлімінде қызмет атқаратын азаматтық қорғау старшинасы Бағдат Тұрсымбекұлы білікті маман ретінде өрт сөндіру техникаларының тактикалық техникалық сипаттамаларын жетік меңгерген.

Техникаға жауапкершілікпен қарап, кез келген жағдайда оның ақаусыз жұмыс істеуін қамтамасыз етіп келеді. Әсіресе, оның қызмет бабындағы ерліктері мен құтқару операцияларына белсенді қатысып жүргенін айрықша атап өткен жөн. Қысқы дауылдар мен борандар кезінде ол табиғаты ерекше Жуалы ауданы жолдарында қар құрсауында қалған азаматтарға талай рет көмекке келген жан.

Сонымен қатар, өрт болған жағдайларда адамдарды эвакуациялау мен құтқару жұмыстарына белсене қатысып, батылдық, жеделдік және жоғары дайындық деңгейін танытып жүр. Бағдат Тұрысбеков – бұл кәсіби шеберліктің, Отанға және халыққа адал қызмет етудің айқын үлгісі. Ол үшін бұл жай ғана жұмыс емес, өмірлік ісі.

Жүрсінгүл ЖАҚЫП