Облыстық төтенше жағдайлар департаментінің жедел-құтқару жасағы қатарында өз ісіне шын берілген білікті де батыл мамандар аз емес. Солардың бірі – кинология бөлімшесінің бас құтқарушысы Мухамет Умаров.
Мухамет Фурутдинұлы қызығы мен қиындығы бірдей бұл қызметке 2019 жылдың қыркүйегінде қабылданған. Содан бері өзін жауапты, тәртіпті және бастамашыл қызметкер ретінде көрсете білді. Оның қызметтегі маңызды серігі – Грета есімді бельгиялық овчарка тұқымдас қызметтік ит.
Мухамет Умаров көптеген құтқару операцияларына қатысып, ерлік пен кәсібиліктің үлгісін көрсетіп келеді. Оның баға жетпес тәжірибесі қиын жағдайларда шешуші рөлді тек техника мен кәсіби дағдылар ғана емес, сонымен қатар адам бойындағы батылдық, жауапкершілік және шынайы көмек көрсетуге деген ниет атқаратынын дәлелдеді.
Кинолог маманының қызметі – бұл үнемі жаттығулар, физикалық дайындықты сақтау және кез келген уақытта шұғыл шақыртуға дайын болу. Мухамет болса өз кәсібіне деген адалдығымен бұл міндетті абыроймен атқарып келеді. Оның жұмысы өз ісіне деген махаббат, жауапкершілік және сенімді серігімен бірлесіп адамдардың өмірін құтқаруға болатынының жарқын үлгісі.
Жүрсінгүл ЖАҚЫП
Ұқсас жаңалықтар
