Басқосуда сөз алған шаһар басшысы алтын құрсақты аналарға ақ тілегін арнады.

– Еліміз егемендігін алған сәттен бастап ана мен баланы қорғау, демографияны дамыту бағыттарына айрықша көңіл бөлініп келеді. Мемлекет басшысы Қасым-Жомарт Тоқаев әр Жолдауында осы мәселені назардан тыс қалдырған емес. Жан-жақты қолдаудың нәтижесінде Тараз қаласы тұрғындарының саны артып келеді. Бұған өздеріңіздей алтын құрсақты аналарымыздың қосып отырған үлесі зор, – деген Бақытжан Әмірбекұлы 7 анаға «Алтын», 18 анаға «Күміс» алқаларын табыс етті.

Өз кезегінде марапат иелері де қала басшылығына алғыс білдірді.

Жалпы, Тараз қаласы бойынша 2010-2023 жылдар аралығында 2 753 ана «Алтын», 2 516 ана «Күміс» алқаға ие болған.

«Aq jol»-аqparat.