ITeachMe қоры, «Samruk-Kazyna Trust» әлеуметтік жобаларды дамыту қоры мен Шелл Қазақстан компаниясының бірлескен қаржылық қолдауымен, осы жылдың сәуір айында OrleTech білім беру жобасының басталуын хабарлады. Жоба жастардың, соның ішінде мүгедектігі бар жандардың, цифрлық дағдыларын жақсартуға және жұмысқа орналасуға көмектесу арқылы мансаптық өсуге ықпал етеді. Қазақстанда, атап айтқанда, шалғай аймақтарда инклюзивтілікті дамыту үшін ақпараттық науқандар өткізу, жастарды еркін даму және жұмысқа орналасу мүмкіндіктері туралы ақпараттандыру мақсатында, жобаға 17 облыс пен республикалық маңызы бар үш қаланың амбассадорлары тартылды. Жоба мүгедектігі бар жастардың, сондай-ақ әлеуметтік осал санаттағы жастардың цифрлық дағдыларын келесі бағыттар бойынша арттыруға бағытталған: AI маманы, No Code әзірлеушісі, UI/UX + Web-мастер.

Жобаның бірегейлігі – есту қабілеті бұзылған жастардың қажеттіліктерін ескере отырып, қазақ және орыс тілдерінде, сондай-ақ ым-ишара тілінде материалдардың болуы. Қадамдық, кешенді оқыту офлайн және онлайн түрдегі іс-шараларды қамтиды.

Желіден тыс Soft skills лагері студенттерге әлеуметтік дағдыларды дамытуға мүмкіндік береді, сонымен қатар мүгедектік пен әлеуметтік осалдықпен байланысты кешендер мен қорқыныштарды жеңуге көмектеседі. Таңдалған саладағы онлайн курс практикалық дағдыларды қамтамасыз етеді, өйткені барлық курстар заманауи жұмыс берушінің қажеттіліктерін ескере отырып әзірленген. Бұл кезеңде оқушыларға мұғалімдер тарапынан қолдау көрсетіледі. Барлық алынған білімдер оқуды сәтті аяқтағаны туралы сертификатпен расталады.

Сонымен қатар, ITeachMe жұмыс табуға көмектесетін болады. Әрбір түлек жеке түйіндемесін, жұмыс портфолиосын жасайды, сонымен қатар, әлеуетті жұмыс берушілермен өзара әрекеттесу негіздерін меңгереді. Үздік студенттер, барлық алынған дағдыларды қолдану үшін, коммерциялық тапсырыстар алады.

Балжан АБДУЛЛАЕВА,

облыс бойынша ITechMe өкілі.