Шу ауданы, Төле би ауылындағы С.Шәкіров атындағы орта мектептің ғимаратында өрт сөндіруші-құтқарушылар өрт-тактикалық сабақ өткізді. Аталған шараның тактикалық ойламасы бойынша мектеп сыныптарының біріндегі электр сымдарының қысқа тұйықталуы нәтижесінде өрт шығып, «қызыл жалынның» одан әрі таралу қаупі туындады. Өрт сөндіруші-құтқарушыларды көмекке шақырған мектеп қызметкерлері құтқарушылар келгенше қолда бар құралдармен өртті сөндіру, адамдарды қауіпсіз орынға көшіру жұмыстарымен айналысты. Ал шартты өрт оқиғасы орнына Төле би ауылының №19 өрт сөндіру бөлімінің өрт сөндіруші-құтқарушылары жедел жетіп, одан әрі өрт сөндіру және авариялық-құтқару жұмыстарын жүргізді.  

Дайындаған Жүрсінгүл ЖАҚЫП.