Шаңырақ күні: Жамбылда жаңа босанған аналар мен сәбилерге сыйлықтар табыс етілді
- author «Ақ жол»
- 17 наурыз, 2024
- 358
![Шаңырақ күні: Жамбылда жаңа босанған аналар мен сәбилерге сыйлықтар табыс етілді](https://aqjolgazet.kz/uploads/resized-images/2024/03/b2ba2cb4-bec1-4575-8798-05f762fe8952.jpeg)
Қазақстандағы Наурызнама онкүндігінің төртінші күні - «Шаңырақ күні».
Бұл күн - қазақстандықтардың жас ұрпақты тәрбиелеу мәдениетін көрсете отырып, олардың бойында патриотизм, адамгершілік пен еңбекқорлыққа деген құштарлықты қалыптастыруға үндейді.
Мереке мезіретінде Жамбыл аудандық аурухананың перзентхана бөлімінде 2 сәби дүниеге келді.
Осыны ескерген аудандық аурухана мен аудан әкімдігі мерекеге орай сәбилі болған аяулы аналарды құттықтауды да назардан тыс қалдырмады.
Нақтырақ айтар болсақ, аудандық аурухана бас дәрігерінің ана мен баланы қорғау жөніндегі орынбасары Айгүл Абилдаева мен аудан әкімдігінің өкілі Бақытжан Құтжан 2 ананы перзентханаға барып құттықтап, сыйлықтарын табыстады.
Сәбиін бауырына аман-есен басқан жас аналар ақ халаттыларға алғысын білдірді.
– Шаңырақ күні мерекесі қарсаңында дүние есігін ашқан сәбилер туған жеріміздің мақтанышына айналар тұлға болсын. Сіздерге ұзақ ғұмыр, мықты денсаулық, отбасыларыңызға бақ-береке тілеймін, – деді Айгүл Ержанқызы жылы лебізін білдіріп.
Айта кетейік, жыл басынан бері аудандық ауруханада 25 бала дүние есігін ашқан.
Ұқсас жаңалықтар
Құтқарушыны қандай жағдайда шақыру керек?
- 5 қыркүйек, 2024
Өрт қауіпсіздігі айлығы өтуде
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді