![Іздестіру жұмыстары жалғасуда](https://aqjolgazet.kz/uploads/resized-images/2024/02/b012ce9b-0d4e-45a2-8629-78e2d459330f.jpeg)
Іздестіру жұмыстары жалғасуда
Биылғы 11 қаңтардан 12-сіне қараған түннен бастап Жуалы ауданы, Қарабастау ауылының Билікөл көлінде жоғалып кеткен екі тұрғынын іздестіру жұмыстары жүргізілуде. Оқиға орнына облыстық төтенше жағдайлар департаментінің тиісті күштері мен құралдары жедел жетіп, 10 тәулік бойы әуесқой балықшыларды іздеу жұмыстарын жүргізді. Департамент штабында секторлар бойынша іздеу жүргізу үшін картада Билікөл көлі 91 учаскеге бөлінген. Әрбір тексерілген сектор картада белгіленіп отырды. Іздестіру-құтқару жұмыстарына департаменттің жеке құрамы, жергілікті тұрғындар, туыстары мен еріктілерден басқа 40 техника, 1 эхолот, 3 пилотсыз ұшу аппараты және 9 жүзу құралдары тартылды. Сондай-ақ, іздеуге Төтенше жағдайлар министрлігінің тікұшағы жұмылдырылды.
Құтқарушылардың іс-қимыл алгоритміне сәйкес іздеу жұмыстары 10 күн өткеннен кейін, 21 қаңтарда тоқтатылды. Себебі, жоғалған адамдардың туыстары қолайсыз ауа райына (жел, кей жерлерде тұман, аяз және тағы басқа) байланысты жүргізілетін жұмыстардың күрделілігіне орай, қолайлы ауа райы белгіленгенге дейін іздеуді тоқтатуды сұраған болатын.
10 ақпанда Билікөл көлінде жоғалып кеткен азаматтарды іздестіру жұмыстары қайта жанданды. Бұл күні ұшқышсыз ұшақтың көмегімен жоғалған адамдардың бірінің денесі табылып, жағаға шығарылды. Ал, 1987 жылы туған екінші азаматты іздестіру жұмыстары әзірге нәтиже бермеді. Қазіргі уақытта іздестіру жұмыстары жалғасуда.
Жүрсінгүл ЖАҚЫП
Ұқсас жаңалықтар
Құтқарушыны қандай жағдайда шақыру керек?
- 5 қыркүйек, 2024
Өрт қауіпсіздігі айлығы өтуде
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді