Әлеумет
Ербол Қарашөкеев: Әрбір өтініш бойынша тиісті шаралар қабылданады
- author «Ақ жол»
- 24 қаңтар, 2024
- 379

Ербол Қарашөкеев: Әрбір өтініш бойынша тиісті шаралар қабылданады
Жамбыл облысының әкімі көп балалы, ерекше қажеттілігі бар балаларды тәрбиелеп отырған және жалғызбасты аналармен кездесті.
Олар тұрғын үймен қамтамасыз ету, жалға берілетін пәтерлерді бөлу, кезекте тұрғандардың жай-күйі, «Отбасы банк» облыстық филиалының жұмысына қатысты бірқатар мәселелерді көтерді.
Аймақ басшысы аналардың барлық өтініштері бойынша заң талаптарына сәйкес тиісті шаралар қабылданатынын, әрбір отбасы үшін қолдау тетіктері қаралатынын және жан-жақты түсініктемелер берілетінін атап өтті.
Облыс әкімі Тараз қаласының басшылығына және облыстық басқармаларға тиісті тапсырмалар жүктеді.
Сондай-ақ, Ербол Қарашөкеев облыстағы тұрғын үй құрылысының жоспары туралы ақпараттарды жедел ұсынуды, облыс әкімдігінің қызметкерлеріне ай сайын азаматтарды тұрақты түрде қабылдауды тапсырды.
Бұдан бөлек, "Отбасы банк" басшылығы өтініш иелерін қабылдап, олардың мәселелері бойынша толыққанды түсіндіру шараларын жүргізеді.
Аймақ басшысы тұрғын үй кезегінде тұрғандарды нақтылау шараларын ағымдағы жылдың наурыз айына дейін аяқтау қажеттігін баса айтты.
Жамбыл облысының баспасөз қызметі
Ұқсас жаңалықтар
Ұшқышсыз ұшу аппараттарының қолданыс аясы кеңеюде
- 12 маусым, 2025
Жастарымыз әскерге барудан неге жалтарылады?
- 12 маусым, 2025
Ақпарат
Таразда ауқымды Креаторлар форумы өтті
- 28 мамыр, 2025
Енді Алакөлге қатынау жеңілдейді – Көлік министрлігі
- 20 мамыр, 2025
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді