![Мәңгілік ел тұғыры – Тәуелсіздік](https://aqjolgazet.kz/uploads/resized-images/2023/12/c676e41d-a19f-4090-a77e-2db672772799.jpeg)
Мәңгілік ел тұғыры – Тәуелсіздік
Ата-бабаларымыз ғасырлар бойы армандап өткен тәуелсіз ел болу мәртебесін көру – бүгінгі ұрпаққа бұйырған зор бақыт. Бұл күнді атап өту – тәуелсіздікті нығайту жолындағы өлшеусіз еңбектің бүгінгі белесін қорытындылайтын мерейлі сәт. Еліміздегі салиқалы саясаттыӊ арқасында тұрақты даму, толерантты өмір қалыптасып, халқымыздыӊ әл-ауқаты артуда. Тәуелсіздік алған алғашқы күннен бастап еліміз үшін еӊ бір маӊызды бағыттыӊ бірі ұлттық қауіпсіздік болғаны белгілі. Осы міндеттіӊ бір тармағы – еліміздіӊ тәуелсіздігін, егемендігін қорғау, бейбіт күнді күзету міндеті Шекара қызметіне де жүктелді.
ҚР ҰҚК ШҚ Жамбыл ауданы бойынша Шекара басқармасының клубында тәрбие идеологиялық және кадрлық жұмыстар бөлімінің бастығы, подполковник Данияр Сарымсақов, тәрбие идеологиялық және кадрлық жұмыстар бөлімінің аға офицері, майор Алтынбек Манарбекұлы және кітапхана меңгерушісі Камила Әбсеметованың ұйымдастыруымен мемлекетіміздің ең басты құндылығы – Қазақстан Республикасы Тәуелсіздігінің 32 жылдығына орай «Қазақстан – қуатты тәуелсіз мемлекет» атты тақырыптық кеш өтті.
Кеш барысында Әнұран шырқалып, тарихымызға көз жүгіртумен қатар қызметшілердің де құттықтау сөздері, ізгі лебіздері тыңда лып, «Тәуелсіздік шежіресі» атты бейнеролик көрсетіліп, ұлттық рухты көтеретін патриоттық әндер шырқалды.
Кеш соңында Абай атындағы орталық кітапхана қызметкерлері тәуелсіздігіміздің дамуы мен мемлекет ретінде қалыптасуын, сондай-ақ еліміздің жеткен жетістіктері мен толағай табыстарын баяндайтын «Мәңгілік елдің тұғыры – Тәуелсіздік» тақырыбында кітап көрмесін ұйымдастырып, библиографиялық шолу жасады.
Мекемемізде мереке қарсаңында ұйымдастырылған бұл шара барлық қонақтар мен сарбаздардың есінде көпке сақталары сөзсіз. Ең бастысы, Тәуелсіздігіміз тұғырлы, бейбіт күніміз шуақты болсын!
Алтынбек МАНАРБЕКҰЛЫ,
Жамбыл ауданы бойынша Шекара басқармасы,
Тәрбие идеологиялық және кадрлық жұмыстар бөлімінің аға офицері, майор.
Ұқсас жаңалықтар
Құтқарушыны қандай жағдайда шақыру керек?
- 5 қыркүйек, 2024
Өрт қауіпсіздігі айлығы өтуде
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді