Оқу-жаттығу әскери бөлімді толық жауынгерлік әзірлікке баулуға бағытталды. Барлаушылар арнайы дабылды алғаннан кейін дереу бөлімшеге жетуге міндеттелді. Өз кезегінде олар өз командирі, подполковник Алмас Қабиевпен бөлімшені жауынгерлік әзірліктің жоғары деңгейіне жеткізу тәртібі бойынша және ары қарайғы әрекеттері негізінде кәсіби шеберлікпен жұмыс жасады. ҚМ барлау басқармасының бастығы, подполковник Ербол Серғазин: «Жауынгерлік әзірліктің өзі бөлімшелердің ең қысқа мерзімде, тәуліктің кез келген уақытында, кез келген климаттық жағдайда жиналып, жаудың шабуылына тойтарыс беруге дайын болуы деген сөз», – десе, «Оңтүстік» өңірлік қолбасшылығы қолбасшысының бірінші орынбасары, полковник Ержан Ибраев: «Бұл тұрғыда скауттар үлгі болуы керек, өйткені олардың қызметі жеделділік пен тиімділікті талап етеді. Бөлімшеге келген барлаушылар ұрыс алаңына аттануға дайындалып, содан кейін өз бағыттарына таралып, әрі қарай жауынгерлік дайындық тапсырмаларын орындау үшін оларға әскери техникамен 50 шақырымдай жол жүріп, тау шатқалына жетуге тура келді. Біз оқу-жаттығудың келесі тәрбиелік мақсаттарын қойдық: әскери қызметкерлердің санасын бейбіт уақыттан соғыс уақытына барынша жылдам көшіру. Яғни, оқу-жаттығуға қатысу кезінде әскери қызметшілер нақты жағдайда болғандай әрекет етуі керек», – деп атап өтті. – Әскери қызметкерлер кез келген жағдайда жоғары моральдық және жауынгерлік рухты сақтап, жауынгерлік тапсырмаларды сөзсіз орындауға дайын болуы керек. Міне, осылайша біз жеке құрамға сенімділікті, батылдықты және ұрыстағы белсенділікті оятамыз. Аға лейтенант Жандос Бектұр басқарған «Альпі» ротасының, майор Азамат Таубасов басқаратын «Аэромобиль» ротасы, аға лейтенант Абзал Молдабай басқаратын «Амфибина» ротасы және басқа да бөлімшелердің әскери қызметшілері тауда, шатқалдарда, суда, тікұшақтан жерге қонғанда өз тапсырмаларын жоғары дәрежеде орындады. Әрбір бөлімшенің өзіндік нақты міндеттері болады, бірақ мақсат ортақ – қорғаныс операциясы кезінде жауды басымдықпен жеңу. Ал, барлаушылық сәтті болды. Арнайы тактикалық оқу-жаттығу кезінде жедел және сауатты әрекеті үшін топ командирі, лейтенант Дмитрий Фоменко марапатталды. Ол бастаған сарбаздар жаудың жасырын позициясын кеңестер мен кеңестерсіз-ақ тез тапты. Дмитрий өзінің жоғары кәсібилігін бірінші рет растап отырған жоқ. 2022 жылы әскери университетті үздік бітірген лейтенант Астанада Қарулы Күштердің Жоғарғы Бас қолбасшысы – Президент Қасым- Жомарт Тоқаевтың қолынан үздік диплом алды. Мұндай тактикалық- арнайы оқу-жаттығулар офицерлер мен бөлімшелерді жауынгерлік әзірліктің жоғары деңгейіне жеткізу бойынша іс- қимылдарды жаттықтыру кезінде кәсіби шеберліктерін шыңдап, шебер және шешуші іс-қимылдар үшін практикалық білімдерін жетілдіру үшін аса маңызды», – деп атап өтті оқу-жаттығу жетекшісі, полковник Ержан Ибраев. Командирлермен бірге 03811 әскери бөлімінің әскерге шақырылған сарбаздары да әскери шеберліктерін шыңдады. Олардың көпшілігі үшін полктік арнайы-тактикалық оқу- жаттығуға қатысу әскерге шақыру мерзімін аяқтағандағы өзіндік емтихан болып саналады. Жаттығудан кейін екі аптадан соң сарбаздар үйлеріне жеткізіледі, ал оқу-жаттығуға қатысудағы эмоциялар мен әсерлер қызметтің жарқын соңғы естелігіне айналады. «Әскери қызметке шақырылған сарбаздардың мамандықтарына сәйкес оқу тапсырмаларын орындау сапасы олардың жоғары оқу орнына түсу кезінде көрсете алатын жұмыс сипаттамаларынан көрінеді. Өздеріңіз білетіндей, ұсыныс хаттар әскери қызметшілерге ҰБТ- сыз жоғары оқу орындарына түсуге көмектеседі, ал ерекше көзге түскендер грантқа ие болады», – деп атап өтті «Оңтүстік» өңірлік қолбасшылығы әскерлері қолбасшысының тәрбие және идеологиялық жұмыстары жөніндегі орынбасары полковник Ораз Кучуков.  

Нұржан ҚАДІРӘЛІ