Қазіргі таңда Тараз қаласында кең көлемде көгалдандыру жұмыстары ұйымдастырылып, оған қала тұрғындарының барлығы дерлік түгелдей атсалысады. Ал, бүгін дәл осындай тазалық жұмыстары өңірлік ҚАЖ департаментіне қарасты №26 түзеу мекемесінде де қолға алынды. Бұл күні жеке құрам қызметкерлері мекеме аумағын тазалап, күл-қоқыстан арылтуға күш салды. Сенбілікке ұйымшылдықпен атсалысқан тәртіп сақшыларының айтуынша, мұндай тазалық жұмыстары алдағы уақытта да өз жалғасын таппақ.