Облыстық мәслихат тарапынан атқарылып жатқан жұмыстардың барысы туралы кеше өңірлік коммуникациялар қызметі алаңында өткен баспасөз мәслихатында облыстық мәслихаттың төрағасы Абдалы Нұралиев баяндады. Абдалы Тоқбергенұлы биылғы жылдың 19 наурыздағы сайлау нәтижесінде жаңадан жасақталған депутаттық құрамның жұмысына шолу жасап, алдағы жоспарларымен бөлісті. Сонымен қатар, брифингте облыстық мәслихаттың VIII шақырылымдағы сессияларында көтерілген мәселелерге де тоқталып өтті. – Бүгінгі күнге дейін мәслихатта жалпы саны 5 сессия өтсе, оның 2-еуі кезектен тыс сессия болды. Сессиялардың күн тәртібінде негізінен өңірдің әлеуметтік-экономикалық дамуының аса маңызды мәселелері қаралды. Мәслихат сессияларында барлығы 3 негізгі мәселе қаралып, жалпы саны 46 шешім қабылданды, оның ішінде 10 шешім әділет органдарында тіркеуден өтті, – деді Абдалы Тоқбергенұлы. Жалпы, мәслихаттың жұмыс барысымен жан-жақты таныстырған Абдалы Тоқбергенұлы баспасөз мәслихаты соңында журналистер тарапынан қойылған сұрақтарға жауап берді.  

«Aq jol»-Aqparat