Теория мен тәжірибе
«Оңтүстік» өңірлік қолбасшылығына қарасты материалдық-техникалық қамтамасыз ету полкінің базасында М.Х.Дулати атындағы Тараз өңірлік университетінің әскери кафедрасының студенттерімен тактикалық-арнайы сабақ өткізілді. Студенттер техникалық дайындық нормаларын орындап, оқу тапсырмаларын әзірледі. Осылайша болашақ офицерлер әскери кафедрада алған білімдерін әскери мамандықтары бойынша іс жүзінде қолданып, тәжірибе шыңдады. «Оңтүстік» РГК материалдық-техникалық қамтамасыз ету полкінің әскери қызметшілері жауынгерлік даярлық тапсырмалары аясында әскери бөлім маңында зақымданған көліктерді жинау пунктін орналастырды. Белсенді әскери қызметшілер өз міндеттерін пысықтап жатқанда, болашақ офицерлер олардың практикалық жұмыстарын бақылап қана қоймай, далалық жөндеу лагерін шығаруға да белсене атсалысты. Әскери бөлімнің зақымданған көліктерін қабылдау пунктінде зымырандық және артиллериялық қаруларды, броньды машиналар мен көліктерді жөндеуге арналған учаскелер орналастырылды. «Автомобиль техникасын пайдалану және жөндеу» бағдарламасы бойынша оқуға қабылданған студенттер дала жағдайында істен шыққан әскери техникаға қызмет көрсету және жөндеуді ұйымдастырумен тәжірибе жүзінде таныса алды. «Біздің әскери кафедраның студенттері үшін оқу-жаттығу жиындарын өткізудегі басты мақсат – әскери кафедрада оқу кезінде алған теориялық білімдерін іс жүзінде бекіту. Тәжірибелік сабақтар барысында студенттер әскери кафедрада екі жыл ішінде алған білімдерінің барлығын есіне түсіріп қана қоймайды, сонымен қатар бұрын үйренгендерінің нәтижесін көре алады. Ал егер олардың біреуі іс жүзінде жауынгерлік дайындық тапсырмаларын орындаумен байланысқа түссе, олар мұны игеріп шығады, өйткені алғашқы практикалық іргетасы қалыптасқан», – дейді аталған оқу ордасы әскери кафедрасының аға оқытушысы, отставкадағы полковник Нұрлан Егізеков.
«Оңтүстік» өңірлік қолбасшылығы мен М.Х.Дулати атындағы Тараз өңірлік университетінің әскери кафедрасы арасында тығыз әріптестік байланыс бар. Әскери кафедра запастағы офицерлерді дайындайды, олардың көпшілігі университетті бітіріп, диплом алғаннан кейін Қарулы Күштер қатарына баруға шешім қабылдайды. Осындай студенттердің қатарында Бағдәулет Әділхан да жоғары білім туралы дипломды алғаннан кейін әскер қатарына шақырылып, еңбек жолын әскери саламен байланыстыруды жоспарлап отыр.
– Мен Тараз өңірлік университетінің әскери факультетіне оқуға түсуге мақсатты түрде келдім. Оның үстіне, бір күн бұрын әскери институтқа түсейін деп едім, болмады. Содан кейін мен арманыма басқа жолмен жетуді ойлап, запастағы офицер болуды шештім. Осыған байланысты әскери кафедраға түсу ең дұрыс шешім болды. Негізі, менің әкем өмір бойы Қарулы Күштер қатарында қызмет етті, ол менің жас кезімнен әскерге деген оң көзқарасымды қалыптастырды. Әскери кафедраның басқа студенттері де уақыттан ұтылған жоқ. Олар әскери қызметке деген құрметті әскери кафедра оқытушылары – әскери борышын өтеген, әскери қызметте бай тәжірибесі бар қатардағы офицерлермен дамыта білді. Олар өздерінің білімдерін және әскерге деген құрметтерін көзқарастарын студенттерге жеткізе білді, соның арқасында әскери кафедрадағы оқу олардың студенттік өміріндегі қызықты және танымды кезең болды деп айта аламын, – дейді студент Бағдәулет Әділхан.
Әскери кафедра студенттерімен оқу-жаттығу түріндегі практикалық жаттығулар «Оңтүстік» өңірлік қолбасшылығының 85395, 01731, 28903 әскери бөлімдерінің базасында өтті. Сондай-ақ, «Айша-Бибі» әскери полигонында студенттер АК-74 автоматынан және Макаров тапаншасынан оқ ату жаттығуларын іс жүзінде орындап, тәжірибе жетілдірді. Сондай-ақ, далалық оқу-жаттығулар барысында студенттер инженерлік қамтамасыз ету тапсырмаларын орындап, қару-жарақпен және техникамен жұмыс істеді, әскери техникумның автодромында автомобиль және инженерлік техниканы жүргізуді ұйымдастыру бойынша сабақтар өткізілді. Оқу-жаттығу жиыны студенттердің әскери ант қабылдауымен аяқталды. Осы маңызды оқиғамен студенттер әскери кафедрадағы оқуларын аяқтады. Алда оларды университетке түскенде таңдаған мамандықтары бойынша екі жыл оқу күтіп тұр. Оқуды бітіргеннен кейін олар запастағы лейтенант атағы бар екенін көрсететін әскери билеттерін алады.
Нұржан ҚАДІРӘЛІ
Ұқсас жаңалықтар
