Бақылау функцияларын жүзеге асыратын лауазымды тұлғалардың қызметіндегі сыбайлас жемқорлық тәуекелдерінің алдын алу бұдан былай басты назарда болады. Бұл туралы сыбайлас жемқорлыққа қарсы ведомствоаралық комиссия отырысында айтылды. ҚР Бас прокуратурасы жанындағы Құқықтық статистика және арнайы есепке алу комитеті Жамбыл облысы бойынша департаменті мен Жамбыл облысы бойынша сыбайлас жемқорлыққа қарсы қызмет арасында бірлескен меморандум қабылданды. Меморандум аясында апта сайын өңірдегі бақылаушы органдардың тексерулері туралы ақпарат алмасу, тексерушілермен және тексерілетін субъектілердің басшыларымен, сондай-ақ ұжыммен профилактикалық түсіндірме жұмыстарын жүргізу көзделуде. Түсіндірме жұмыстары барысында департаменттің байланыс телефондарымен бөлісу, материалдық сыйақы беру және қабылдау кезіндегі бұзушылықтың салдары, салынған әкімшілік айыппұлдарды төлеу үшін ұжымдық алымдардың жауаптылығы атап өтілетін болады. Тәжірибеде мемлекеттік мекемелердің ұжымдары тексеруші лауазымды тұлғаларға ақша жинау жағдайлары кездеседі, сондай-ақ, тексерушілер салған әкімшілік айыппұлдар ұжымдық түрде төлеу деректері жиі қоғам таратыпан сынға алынады. Бұл туралы анонимді түрде «1424-CALL» орталығына да хабарласады. Ұжымнан түскен хабарламалар, өзге де заңмен шектелмей түскен ақпараттар, тәуекел деңгейі жоғары тексеруші лауазымды адамдарды анықтауға мүмкіндік береді және ол бойынша тиісінше мониторинг жүргізілетін болады.