Жамбыл облысының күн, жел және су арқылы электр станцияларын салуға әлеуеті өте жоғары. Мемлекет басшысының бастамасымен өңірде бірқатар ірі жобаларды іске асыру жоспарланған. Бұл туралы ОКҚ алаңында өткен брифингте Жамбыл облысының әкімі Нұржан Нұржігітов хабарлады.  «Атап айтқанда, «Total Eren», «Masdar» және «Kidf» компаниялары ауқымды жел электр станцияларын (1 ГВт) салуға ниет білдіріп отыр. Сонымен қатар Мемлекет басшысының Қытай еліне ресми сапары кезінде қытайлық «State Power Investment Corporation» компаниясымен тағы осындай бір жобаға келісім жасалды. Нәтижесінде бұл салаға тартылатын қаржының көлемі шамамен 3 млрд АҚШ долларынан асады және облыстың жаңартылатын энергия көздерінің республикадағы үлесін 40%-ға жеткізу жоспарланған», - облыс басшысы Н. Нұржігітов.