Әлеумет
Жамбыл облысының әкімдігі мен қытайлық CAMC компаниясы ынтымақтастық туралы меморандумға қол қойды
- author «Ақ жол»
- 17 мамыр, 2023
- 343
Жамбыл облысының әкімдігі мен қытайлық CAMC компаниясы ынтымақтастық туралы меморандумға қол қойды
Мемлекет басшысы Қасым-Жомарт Тоқаевтың Қытай Халық Республикасына мемлекеттік сапары аясында Жамбыл облысының әкімдігі мен «China CAMC Engineering Co., LTD» компаниясы арасында онлайн-режимде ынтымақтастық туралы меморандумға қол қойылды.
Тараптар ынтымақтастықтың негізгі бағыттарын, сондай-ақ оны кеңейтуге қатысты алдағы жоспарларды талқылады.
Аймақ басшысы Нұржан Нұржігітов компания өкілдерін өңірді дамытудың негізгі бағыттарымен таныстырып, Жамбыл облысы мен Қытай арасындағы тауар айналымының артып келе жатқанын атап өтті.
«China CAMC Engineering Co., LTD» бас директоры Ли Хайсин өнеркәсіп, ауыл шаруашылығы, жаңартылатын энергия көздері, инженерлік-инфрақұрылым құрылысы салаларында бірлескен жобаларды жүзеге асыруға ниеттестігін білдірді.
Сондай-ақ, Жамбыл облысында қуаттылығы жылына 500 мың тонна кальцийлендірілген сода өндіретін зауыт құрылысын салу жобасы да жан-жақты талқыланды.
Нұржан Нұржігітов мемлекеттік бағдарламалар аясында қажетті инженерлік және теміржол инфрақұрылымымен қамтамасыз ету шаралары жүргізіліп жатқанын айтты.
Кездесу барысында Жамбыл облысының әкімдігі мен «China CAMC Engineering Co., LTD» арасында ынтымақтастық туралы меморандумға онлайн режимінде қол қойылды.
Жамбыл облысы әкімдігінің баспасөз қызметі
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді