Аласармайтын асқар тау
Көрнекті мемлекет және қоғам қайраткері Дінмұхамед Қонаевтың туған күніне орай Д.А.Қонаев атындағы халықаралық қордың облыстық бөлімшесі алдында тұлға ескерткішіне салтанатты гүл шоқтары қойылды. Облыс әкімі Нұржан Нұржігітов, облыстық мәслихаттың хатшысы Махметғали Сарыбеков және өзге де атқамінер азаматтар мен зиялы қауым өкілдері, қоғам белсенділері қайраткердің еңселі ескерткішіне гүл шоқтарын қойып, рухына тағзым етті.
«Тау тұлғаның өнегелі өмір жолы ешқашан ұмытылмайтын ұлағат. Дінмұхамед Қонаевтың жазғандарын оқып, өсиетін өнеге тұтқан ұрпақ ешуақытта кісінің алажібін аттамайды, қиянат жасамайды, керісінше ұлтына, Отанына, еліне адал қызмет етуге дағдыланады. Сондықтан қайраткерді ұлт ұрпағының ұстазы, халық рухының шамшырағы деп толық айта аламыз», дейді Д.А.Қонаев атындағы халықаралық қордың облыстық бөлімшесінің кеңесшісі Жапар Тілеубеков.
Расында, көзі тірісінде «Панам да ел, данам да ел. Соған арқа сүйедім, содан үйрендім» деп, ақтық демі қалғанша Алашқа адал еңбек сіңірген атпал азаматтың есімі ұмытылмайтыны анық.
Нұржан ҚАДІРӘЛІ
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді