![Жамбыл-Польша байланысы нығая түспек](https://aqjolgazet.kz/uploads/resized-images/2022/11/polsha.png)
Жамбыл-Польша байланысы нығая түспек
Облыс әкімі Нұржан Нұржігітов Польша Республикасының Алматы қаласындағы Бас консулы Юзеф Тымановскимен кездесу өткізді. Тараптар түрлі салалардағы екіжақты ынтымақтастықты нығайтудың ағымдағы жағдайы мен алдағы жоспарларды талқылады. Кездесуде негізгі салалардағы сауда-экономикалық және инвестициялық ынтымақтастықты арттыруға, білім беру саласындағы байланыстарды кеңейтуге ерекше назар аударылды.
Аймақ басшысы екі ел арасындағы өзара достық қарым-қатынасты атап өтті. 2021 жылы Польшадан Жамбыл облысына тауар импорты 14,6 пайызға өсіп, 1,8 миллион долларды құрады. 2022 жылдың қаңтар-қыркүйек айларындағы өзара сауда-саттық өткен жылдың сәйкес кезеңімен салыстырғанда 66,9 пайызға артып, 2,2 миллион долларды құрады. Облыста 1997 жылы құрылған поляк тілі мен мәдениетінің «Полонез» орталығы жұмыс істейді.
– Жамбыл облысы – экономикалық әлеуеті жоғары, табиғи ресурстарға бай агроөнеркәсіптік бағытта қарқынды дамып келе жатқан аймақ. Өңірде қоғамдық келісім мен жалпыұлттық бірлікті нығайтуға ерекше көңіл бөлінеді, – деді Нұржан Нұржігітов.
Польша Республикасының Алматыдағы Бас консулы екі ел арасындағы, оның ішінде өңірлік деңгейде ынтымақтастықтың одан әрі нығая түсетініне сенім білдірді.
«Aq jol»-Aqparat».
Ұқсас жаңалықтар
Құтқарушыны қандай жағдайда шақыру керек?
- 5 қыркүйек, 2024
Өрт қауіпсіздігі айлығы өтуде
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді