Елімізде жұмыссыздықты жою, ауыл халқын жеке кәсібін дөңгелету арқылы табыс табуға үйрету мақсатында түрлі жобалар іске асырылуда. Биназар ауылдық округінің тұрғындарымен өткен жиында «Тараз» әлеуметтік-кәсіпкерлік корпорациясының мамандары жобаның негізгі бағытын түсіндіріп, бағдарламаға сай ең төменгі 2,5 пайызбен 8 миллион теңгеге дейінгі 7 жылға несие берілетінін айтты. Кепіл ретінде елді мекендегі барлық үйдің жарамды болатынын, ол банктегідей емес, баспана құнының 50 пайызына дейін есептелетінін жеткізді. Сондай-ақ кооператив құрылса, ауылдағы шағын бизнесті қаржыландыруға 24 миллион теңгеге дейін несие беру мүмкіндігі де қарастырылған.  

Мойынқұм ауданы