БАЙЗАҚ АУДАНЫ Соңғы жылдары ауданда тұрғындар саны артып, көлік қатынасы мәселесі туындағаны жасырын емес. Адам саны мен тұрғын жайдың көбейгені себепті, қоғамдық көлікке деген сұраныс бұрынғыдан арта түскен. Осыған орай аудан аумағындағы шалғай елді мекендерге қоғамдық көліктер қатынай бастады. Яғни, «Шахан–Сарыкемер–Тараз және «Көкөзек– Сарыкемер–Тараз» бағыттары іске қосылды. Биыл қазан айының алғашқы күнінен бастап ауыл тұрғындарына қызмет көрсете бастаған қоғамдық көліктің осы бағыттар бойынша қызметін пайдаланған тұрғындар ризашылықтарын білдіруде.