Бауыржан Момышұлы ауылындағы Орталық стадионда Қазақстан Республикасының Конституциясы күніне арналған шағын футболдан «Бір атаның балалары футбол ойнайды» атты отбасылық командалар арасындағы аудандық жарыс ұйымдастырылды. Аталған жарыстың ашылу салтанатында Жуалы ауданы әкімдігінің дене шынықтыру және спорт бөлімінің басшысы Мақсұтбек Арзымбетов қатысушыларға сәттілік тіледі. Сайысқа ауылдық округтерден келген 8 команда қатысты. Финалда «Дәуіт ата» отбасы «Сейітбековтер» әулетін жеңіп, турнир жеңімпазы атанды. Үздік үштіктен «Шәкіровтер» командасы көрінді. Бірнеше аталымда үздіктер анықталып, олардың бәріне сыйлықтар тапсырылды. Атап айтқанда, отбасылық жарыста «Үздік шабуылшы» – «Сейітбековтер» командасының ойыншысы Мирас Оразбақ, «Үздік қорғаушы» – «Дәуіт ата» командасының мүшесі Эльдар Дәуітов, «Үздік қақпашы» – «Шәкіровтер» әулетінен Ринат Тасқынбаев, «Үздік ойыншы» номинациясына – «Дәуіт ата» отбасының мүшесі Мадияр Дәуітов лайық деп танылды.  

Мақпал САМАТҚЫЗЫ,

журналист.