Өнерлі балаларға балмұздақ таратылды
Тараз қаласындағы «Достық үйінде» облыс әкімдігінің ішкі саясат басқармасының «Қоғамдық келісім» мекемесінің ұйымдастыруымен «Менің жаңа Қазақстаным» атты іс-шара өтті. Оған №45 «Балбұлақ» бөбекжай-бақша тәрбиешілері мен тәрбиеленуші бүлдіршіндері, олардың ата-аналары қатысты. Бұл іс-шара Қазақстан рәміздеріне 30 жыл толуы, сондай-ақ 1 маусым – Халықаралық балаларды қорғау күніне орай ұйымдастырылды. Бүлдіршіндер Қазақстан Республикасы рәміздерінің 30 жылдығына орай достық, бірлік, Отан туралы өлеңдерін оқып, әр ұлттың киімін киіп өз этносымен таныстырып, өнерлерін ортаға салды. Олардың қатарында балалар оркестрі, хоры, бишілер мен әншілер тобы «Бейбіт ел тұрғыны» әні, «Ағайынбыз бәріміз», «Бейбіт елім», «Достық», «Қуыршақ», «Қазақстан халықтарының билері», «Ақ көгершін» би және әндерімен көрермендердің көзайымына айналды.
Достық үйінің басшысы Парида Иманжанқызы мен мекеме қызметкерлері, ата-аналар балалардың өнеріне риза болды.
Кеш ұйымдастырушылары бүлдіршіндерді іс-шараға дайындап әкелген балабақша басшысы мен тәрбиешілеріне, ата-аналарына зор алғыстарын білдірді. Іс-шараға қатысқан 40 өнерлі балапанға «Магнат» компаниясының балмұздақтары мен «Түрік халықтарының ертегілері» кітаптары және Достық үйінің суреті бейнеленіп тоқылған кілем сыйға үлестірілді.
Бибігүл ШАХЗАДА,
Жамбыл облысы әкімдігінің ІСБ «Қоғамдық келісім» КММ баспасөз қызметі орталығының басшысы.
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді