![Ұлттық қауіпсіздіктің қырағы сақшылары марапатталды](https://aqjolgazet.kz/uploads/resized-images/2022/07/whatsapp-image-2022-07-13-at-18.54.47.jpeg)
Ұлттық қауіпсіздіктің қырағы сақшылары марапатталды
Биыл еліміздің ұлттық қауіпсіздік органдарының құрылғанына – 30 жыл! Айтулы дата мен қауіпсіздік қызметкерлері күніне арналған салтанатты жиын облыс әкімі Нұржан Нұржігітовтің қатысуымен өтті. Салтанатты шарада ел тыныштығын сақтауда қырағы қызмет етіп жүрген, салаға ерен еңбек сіңірген бірқатар азаматтар арнайы марапаттарға ие болды.
– Сіздер елдегі заң және құқықтық тәртіптің, ішкі тұрақтылықтың сенімді кепілісіздер. Ел азаматтарының бостандығы мен Конституциялық тұрғыда қорғалуы, қоғамның тұрақтылығы сіздердің қызметтеріңізге тікелей байланысты. Сондықтан Ұлттық қауіпсіздік қызметі қашанда аса маңызға ие күрделі сала. Бұл сала – қызметкерлерден жоғары кәсіби біліктілікті, адалдық пен жауаптылықты, қырағылықты талап ететіні анық. Егемендікті сақтау жолында өмірлеріңізді бәйгеге тігіп атқарған адал қызметтеріңіз баршаға аян, ұрпаққа үлгі, – деді аймақ басшысы.
Сондай-ақ сала қызметкерлері мен ардагерлеріне құттықтау сөз арнаған облыс прокуроры, 3-сыныпты мемлекеттік әділет кеңесшісі Нұрғалым Әбдіров, облыс бойынша Ұлттық қауіпсіздік комитеті департаментінің басшысы Нұрлан Кәрібжанов қауіпсіздік саласының ардагерлері мен үздік қызметшілеріне «Алғыс хат», «Құрмет грамотасы» мен мерекелік төсбелгі табыс етті.
Маржан РАҚАЙ
Ұқсас жаңалықтар
Құтқарушыны қандай жағдайда шақыру керек?
- 5 қыркүйек, 2024
Өрт қауіпсіздігі айлығы өтуде
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді