Ислам дінінде қастерлі екі мереке болса, соның бірегейі әрі ұлығы - Құрбан айт! Тарих мен тағлымды ұштастырған қасиетті мерекенің құндылығы да тереңде жатыр. Осынау мереке қарсаңында өңірлік ҚАЖ департаментіне бағынысты ЖД-158/5 мекемесіндегі жазасын өтеушілер де түрлі спорттық ойындардан сынға түсіп, серпіліп қалды. Мекеме әкімшілігі арнайы ұйымдастырған сайыс барысында сотталған азаматтар арқан тарту, гір тасын көтеру, шахмат сынды ойындарда бақ сынап, өзара кім мықтыны анықтады. Осылайша, барша мұсылманға ортақ мерекеде жазасын өтеушілердің арасында өзара бірлік пен достық беки түскені анық. Мәди МАХАНОВ, ЖД-158/5 мекемесінің сотталғандар арасында тәрбие жане әлеуметтік психологиялық жумыстары жөніндегі бөлімшесінің бастығы әділет майоры