Белгілі журналист Оралхан Дәуіт бүгін «AulieataMedia» ЖШС Бас директоры болып тағайындалды. Оралхан Дәуіт әр жылдары ел газеті «Егемен Қазақстан» басылымында Оңтүстік Қазақстан, Жамбыл облыстарындағы меншікті тілшісі, бөлім меңгерушісі болып абыройлы қызмет атқарды. Сондай-ақ, Жамбыл облыстық «Ар-Ай» газетінің директор-бас редакторы, республикалық «Жас Алаш» газеті бас редакторының орынбасары болды. «Ақ самауыр» атты әңгімелер жинағының авторы. Бұған дейін ол «AQ JOL» газетінің бас редакторы болып қызмет етті.