Балалар паспорты туралы не білеміз?
Баршаға белгілі, маусым-шілде айлары демалысқа нағыз қолайлы уақыт. Бұл кезеңде көптеген отбасылар балаларымен саяхаттауды жөн көреді. Дегенмен сапар алдында бірнеше маңызды нәрсені есте ұстаған жөн. Шетелге шығатын әрбір баланың жеке паспорты (төлқұжаты) болуы қажет. Паспорт ХҚО-да 10 жыл мерзімге рәсімделеді.
Кейде балалар өскен сайын түрі де өзгереді. Мұндайда шекарада келеңсіз жағдайға тап болмас үшін төлқұжаттың мерзімі аяқталмаса да ауыстыру қажет.
Ата-анасының бірі шетел азаматы болса, оның нотариалды куәландырылған келісімі керек.
Балаларға паспорт алу үшін керекті құжаттар тізімі:
– Баланың туу туралы куәлігі (құжаттарды ресімдеген кезде баланың болуы міндетті);
– Ата-анасының бірінің жеке куәлігі;
– Баланың фотосуреті, оны ХҚО-да жасауға болады;
– Баж төлемі туралы түбіртек (8 АЕК).
«Алтын алқа», «Күміс алқа» иегерлері, мүгедектер, жетім балалар және ата-анасының қамқорлығынсыз қалған балалар, сондай-ақ белгілі бір жеңілдігі бар санаттағы азаматтар паспортты тегін алады.
Қосымша ақпаратты 1414 нөмірі бойынша біле аласыз.
Еркін Жапаров, Тараз қаласы бойынша №2 халыққа қызмет көрсету бөлімінің басшысы.
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді