Имамдар – игі істердің бастамашысы
Облыс әкімі Нұржан Нұржігітов Қазақстан мұсылмандары діни басқармасының төрағасы, Бас мүфти Наурызбай қажы Тағанұлымен кездесті. Кездесу барысында өңірдегі діни ахуал сөз болып, дін қызметкерлерінің білімін жетілдіру, оларға әлеуметтік қолдау көрсетудің маңызы талқыланды.
Сонымен қатар жастар арасында діни оңалту жұмыстарын жүйелі жүргізу мәселесіне де көңіл бөлінді
Бас мүфти Наурызбай қажы Тағанұлы қоғамдық келісім, татулық, тұрақтылық – ел дамуының негізі екендігін баса айтып, осы тұрғыда жұмыла жұмыс істеудің маңыздылығын атап өтті. Сондай-ақ Қазақстан мұсылмандары діни басқармасының бастамасымен Тараз қаласында «Тараздан шыққан діни тұлғалар. Профессор Насрулла Таразидің туғанына 100 жыл» атты халықаралық ғылыми-танымдық конференцияның өз деңгейінде ұйымдастырылғанын, оған қолдау білдірген облыс әкімдігіне деген ризашылығын білдірді.
Аталған шара барысында Өзбекстан, Қырғыз Республикасы елдерінің және еліміздің профессор, докторлары қатысып, баяндама жасаған. Олар Насрулла ат-Тарази еңбектері мен ғұмыры жайлы жан-жақты мәліметпен бөлісіп, сыр шерткен.
Облыс әкімінің баспасөз қызметі.
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді