Жамбылдық өрендер ғылыми жобалар байқауында топ жарды
Ағымдағы жылдың 25-30 сәуір аралығында Ресей Федерациясының Мәскеу облысы, Корлев қаласында оффлайн форматта «Адам-Жер-Ғарыш» тақырыбында қоршаған ортаны қорғау мәселелері бойынша ғылыми-зерттеу жобаларының бүкіл ресейлік олимпиадасы өтті. Бұл жарыстың басты мақсаты – ғылыми-техникалық шығармашылық саласындағы дарынды балаларды анықтау және қолдау, балалар мен жасөспірімдердің инженерлік-техникалық зерттеу мамандықтарына қызығушылығын арттыру. Жоғары білім және ғылым министрлігі халықаралық ЮНЕСКО/ХОО С кафедра желісі департ аментінің ұйымдастыруымен өткен білім бәйгесінде жамбылдық жас өрендер үздіктер қатарынан көрінді. Олимпиадаға 8 жобамен қатысқан 12 оқушы «Сохраним землю», «Флора и фауна», «Наш дом-земля», «Астрономия» секциялары бойынша ғылыми-зерттеулерін қорғады.
Сайыстың нәтижесінде облыстық үш тілде оқытатын мамандандырылған дарынды балаларға арналған мектептің 11-сынып оқушылары Жания Битуғанова, Сардор Бердыбаев, Алуа Дүкенбай, Балтабай Марғұлан, Әділет Әлметов және Руслан Рамазан жеңімпаз атанып, Ресей Федерациясының жоғары білім және ғылым министрлігі халықаралық ЮНЕСКО/ХООС кафедра желісі департаментінің директоры «Созвездие» олимпиадасының меңгерушісі В.И.Васильевтің І және ІІ дәрежелі дипломдарымен марапатталды. Ендеше, бізде жас зерттеушілерге жеңіс мәресінен көріне берулеріне тілектестігімізді білдіреміз.
«Aq jol»-Aqparat».
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді