Әлеумет
Жамбыл облысында жұмысшылар 20 қап алтын рудасымен ұсталды
- author «Ақ жол»
- 28 сәуір, 2022
- 153
Жамбыл облысында жұмысшылар 20 қап алтын рудасымен ұсталды
Жамбыл облысында құрамында алтыны бар кенді 20 қапқа салып алған алты жұмысшы ұсталды.
Мойынқұм ауданында полицейлер аумақты патрульдеу кезінде Ақбақай ауылының маңында орналасқан Қаракөз шахтасында тау жыныстарын заңсыз өндірумен айналысқан бір топ ер адамды анықтады.
Полиция қызметкерлері 1976, 1992, 1994 және 1990 жылдары туған алты жұмысшыны ұстады. Оның бесеуі Жамбыл облысының, ал біреуі Алматы облысының тұрғыны болып шықты.
Тергеу анықтағандай, ұсталған адамдар 21 сәуірде кен орнына жүк көлігімен келіп, құрамында алтыны бар кенді рұқсатсыз қазып, 20 қапқа салып алған.
Префоратор, генератор, темір кескіш және балға түріндегі заттай айғақтар тәркіленді.
Аталған дерекке қатысты Қазақстан Республикасы Қылмыстық кодексінің 334-бабы 1-бөлігі (Жер қойнауын өз бетінше пайдалану) бойынша сотқа дейінгі тергеу амалдары басталды.
Қазіргі таңда сот-химиялық сараптама тағайындалды. Мемлекетке келтірілген залал көлемі анықталады.
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді