Бүгін еліміздің басым бөлігінде күн ашық болады
Синоптиктердің болжауынша, бүгін республика аумағының басым бөлігінде ашық, жауын-шашынсыз ауа райы сақталады.
Еліміздің тек батыс жартысында, қиыр солтүстігінде, оңтүстік-шығысында жаңбыр жауады. Алматы облысының таулы аудандарында жаңбыр мен қар түрінде жауын-шашын күтіледі. Барлық өңірде екпінді жел тұрады, оңтүстікте онымен бірге шаңды дауыл болады.
Атап айтқанда, Түркістан облысының солтүстігінде, батысында, таулы аудандарында күндіз желдің екпіні 25 м/с күшейеді. Өңірдің солтүстігінде, батысында шаңды дауыл тұрады.
Жамбыл облысының оңтүстік-батысында, солтүстік-шығысында, таулы аудандарында желдің күші 23-28 м/с артатыны болжанады.
Түнде Солтүстік Қазақстан облысының батыста, күндіз басым бөлігінде желдің жылдамдығы 23-28 м/с күшейеді.
Таңертең және күндіз Қызылорда облысының орталығында, шығысында желдің екпіні 23 м/с артады. Күндіз өңірдің орталығында шаңды дауыл күтіледі.
Алматы облысының солтүстік-шығысында желдің күші 25 м/с жетеді.
Күндіз Батыс Қазақстан облысының шығысында желдің екпіні 15-20 м/с артады.
Түнде Қостанай облысының батысында, солтүстігінде, күндіз облыстың басым бөлігінде желдің екпіні 23 м/с күшеюі ықтимал.
Түнде және таңертең Атырау облысының батысында тұман күтіледі.
Сондай-ақ Батыс Қазақстан облысының оңтүстігінде, Ақтөбе облысының солтүстігінде, орталығында, Павлодар облысының орталығында төтенше өрт қаупі болжанады.
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді