«Қазпошта» АҚ электронды коммерцияны дамытып, жаңа деңгейге шығаруды көздеп отыр. Бұл туралы бүгін «Самұрық-Қазына» АҚ трансформация форумы аясында журналистерге «Қазпошта» АҚ басқарма төрағасы Бағдат Мусин жеткізді.

«Интернеттің қарқынды дамуы кезеңінде зат алмасу, газеттер тарату бәсеңдеп жатыр. Жылына бес пайыз шамасында. Мұны дүниежүзіндегі жағдай көрсетіп отыр. Бірақ жаңа технологиялар бізге жаңа бағыттар беріп жатыр. Бұл – электронды коммерция. Интернет арқылы таратылатын тауарларды уақтында жеткізу, интернетте жаңа порталдар ашу тәрізді бағыттарда жұмыс істейміз. Айта кетерлік жайт, логистика бизнесін, яғни, пошта арасында мемлекетаралық алмасуды дамытамыз. Мұнымен қатар, гибридтік пошта технологиясы енгізілмек, бұл пошта алмасудың уақытын қысқартуға мүмкіндік береді. Біз Қазақстан бойынша бір жылда 4 миллион сәлем-сауқат жеткіземіз. Еуропа елдерінде бұл көрсеткіш 70-тен 130 миллионға дейін жетеді. Біз электрондық коммерция бағытын дамытып, осы көлемге жеткізуге күш салуымыз керек», – деп толықтырды