Бұл мәселе төңірегінде халық, әсіресе, мемлекеттік қызметкерлер сан-түрлі алып қашпа әңгіме таратып жүргені белгілі. Осыған орай, журналистер «Астана ЭКСПО-2017» АҚ-ның басқарма төрағасы Талғат Ермегияевтен осы мәселенің анық-қанығын сұрап білді.

«ЭКСПО» көрмесі үшін мемлекеттік органдардың қаржысын қысқартады деген әңгіме қисынсыз. ЭКСПО-ға кететін шығын – қайтатын ақша. Он жыл болсын, жиырма жыл болсын, тіпті, елу жылдың ішінде мұндай құрылыс салынбайды. Көрме Астананың көркі болады. Мұндай технологиялар көрмесі енді қайтып бола ма, болмай ма, белгісіз. Ондай әңгімелерді кім айтып жүргені белгісіз, бірақ әр салаға өзіне жеткілікті қаржы бөлініп жатыр. «ЭКСПО» өткізу үшін бізге осынша қаржыны біреуден алып беріңдер деген жоқпыз. Керісінше, әр сала инвестиция салмақшы», – деді Т.Ермегияев.