«Жаңа-Ру» жастар коалициясы мен Тараз қалалық әділет басқармасы «Электронды үкімет – жас жұбайлар үшін» акциясын өткізді. 8-12 қыркүйек аралығында өткен бұл шараның мақсаты – отбасы құндылықтарын арттыру және мемлекеттік қызмет түрлерін, e.gov жүйесін насихаттау. Аталған коалицияның президенті Серікбол Берікқожа Отбасы күніне орай ұйымдастырылған акция барысында қалалық әділет басқармасында жүзден астам жас жұп некелерін заңдастыруға өтініш бергендіктерін айтады.

Кеше солардың бірқатарына неке қию туралы куәлік­тері салтанатты түрде тапсырылды. АХАЖ бөлімінің маманы Айман Рыскелді мен Серікбол Берікқожа жаңа өмірге жолдама алған жастардың мерейлі отбасына айналып, шағын мемлекеттің іргесін берік қалауға тілектестіктерін білдірді. Жас жұбайлар естелік сыйлықтарға да ие болды.

Шынар САҒИЕВА, «Ақ жол».