Көрші елден 150 мың бетперде, 2500 қорғаныс киімі келді Түркістан қаласына Өзбекстаннан үш жүк көлігімен гуманитарлық көмек келді, деп хабарлайды Azattyq Rýhy тілшісі өңірлік коммуникациялар қызметіне сілтеме жасап. Керуенді қарсы алған Түркістан облысы әкімінің орынбасары Сәкен Қалқаманов өңір тұрғындары атынан алғыс білдірді.

«Көрші елден 150 мың медициналық бетперде, 2500 қорғаныс киімі, 150 мың медициналық қолғап, 1000 термометр және 440 кереует келген. Аталған көмек алдағы уақытта Түркістан облысының барлық медициналық мекемесіне үлестірілмек», - деп жазылған хабарламада.