Ағымдағы жылдың 1 маусымы күні Жамбыл облысында коронавирустық инфекцияның 13 жағдайы тіркелді. Ауру Шу ауданындағы бір кәсіпорынның алты жұмыскерінен анықталды. Бұған дейін ондағы бір қызметкер ауырған болатын. Науқастар – 25 пен 60 жас аралығындағы Қарағанды және Алматы облыстарының тұрғындары. Сондай-ақ, Тараз қаласында ЖРВИ белгілерімен медициналық мекемелерге жүгінген екі жүкті әйел мен екі тұрғынның да талдаулары оң нәтиже көрсетті. Бұдан бөлек, Жамбыл, Т.Рысқұлов және Байзақ аудандарының 1987, 1985 және 1999 жылы туған тұрғындарынан да аталған дерт расталған. Барлық науқастар жұқпалы аурулар ауруханасына жеткізілді, олармен байланыста болған тұлғалар карантинге оқшауланды. Ошақтарда дезинфекциялық өңдеу шаралары жүргізілді. Жалпы ағымдағы жылдың 1 маусымындағы жағдай бойынша Жамбыл облысының аумағында 393 коронавирустық инфекция тіркелген, олардың ішінде Тараз қаласында – 222, Байзақ ауданында - 36, Жамбыл ауданында - 12, Жуалы ауданында – 1, Қордай ауданында - 48, Рысқұлов ауданында – 8, Меркі ауданында - 7, Мойынқұм ауданында - 1, Талас ауданында – 13, Шу ауданында - 13. Сондай-ақ, Дели - Тараз рейсінен алты оқиға, Теңіз вахталық кентінен келген жұмысшалар арасында 26 оқиға анықталды. Барлық дерт жұқтырғандардың 196-сы сауығып, дәрігерлердің бақылауындағы үй карантиніне шығарылды.