Бейсенбі, 21 мамырда Жамбыл облысының әкімі Бердібек Сапарбаев қант қызылшасын өсірумен айналысатын шаруа қожалықтарының басшыларымен кездесті.
Кездесу барысында «Меркі қант зауыты» ЖШС-нің ауылшаруашылық тауар өндірушілер алдындағы берешегін өтеу, сондай-ақ қант саласын одан әрі дамыту және қолдау мәселелері талқыланды.
«Біз Меркі қант зауытының басшылығымен келіссөздер жүргізіп жатырмыз. Бұл мәселені шешу үшін бюджеттен 180 миллион теңге бөлінді. Біздің алғашқы кездесуімізде қант зауытының қарызы 1 миллиард теңгеден асатындығы айтылған. Бүгінге дейін сіздерге 640 миллион теңгеден астам қаржы төленсе, зауыт басшылығы келесі аптада тағы 135 миллион теңгені өтейтіндігіне сендіріп отыр. Бұл мәселе біздің бақылауымызда болады», - деді Бердібек Сапарбаев.
Аймақ басшысы фермерлерді бірігуге шақырып, қызылша өсірушілер қауымдастығын құруды ұсынды.
«Біз сіздерді әрқашан қолдап келдік, алдағы уақытта да қолдайтын боламыз. Өз кезектеріңізде сіздер де бірігіп, қауымдастық құрып, егіс алқабын көбейтулеріңіз маңызды. Облыс аудандарынан бірнеше қант шығаратын шағын зауыттардың құрылысын салуды қарастыру қажет. Бұл істе сіздерге «Тараз» ӘКК қол ұшын береді. Біздің міндетіміз – бүкіл Қазақстанды қантпен қамтамасыз етіп қана қоймай, сонымен қатар экспортқа өнім шығару», - деді облыс әкімі.
Өз кезегінде аймақтың қызылша өсірушілері өзекті мәселелерді шешуге, соның ішінде тұқыммен қамтамасыз етуге, "Аммофос" фосфорлы тыңайтқыштарын жеңілдікпен сатып алуға және субсидиялауға көмектескені үшін алғыстарын білдірді.
Әлеумет
Меркі қант зауыты қызылша өсірушілер алдындағы берешегінің 640 миллион теңгесін өтеді
- author «Ақ жол»
- 22 мамыр, 2020
- 236
![Меркі қант зауыты қызылша өсірушілер алдындағы берешегінің 640 миллион теңгесін өтеді](https://aqjolgazet.kz/uploads/resized-images/2020/05/0a3ac0e6101c7fb15d5cd943393cf221.jpeg)
Меркі қант зауыты қызылша өсірушілер алдындағы берешегінің 640 миллион теңгесін өтеді
Ұқсас жаңалықтар
Құтқарушыны қандай жағдайда шақыру керек?
- 5 қыркүйек, 2024
Өрт қауіпсіздігі айлығы өтуде
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді