UFC президенті Дана Уайт америкалық Тони Фергюсонның карьерасына үзіліс жасаған дұрыс деп санайды, - деп хабарлайды Vesti.kz. Еске салайық, АҚШ-та өткен UFC 249 турниріндегі Фергюсон - Гэтжи жекпе-жегі бесінші раундта аяқталған. Жекпе-жек кезінде Гэтжи 143 соққы жасады, оның 100-і қарсыласының басына тиген. Жекпе-жектен кейін Фергюсон ауруханаға түскен - бұл оның соңғы сегіз жылдағы алғашқы жеңілісі болып, 12 жеңіске созылған сериясына нүкте қойылған еді. "Джастин Гэтжимен жекпе-жектен кейін Фергюсонның үзіліс алғанын қалаймын", - деді Уайт. Бұған дейін Уайт Гэтжи мен жеңіл салмақта UFC чемпионы ресейлік Хабиб Нурмагомедов арасындағы жекпе-жек қыркүйекте өтетінін мәлімдеген болатын.