1-10 мамыр аралығында әуе транспортын пайдаланған жолаушылар арасында коронавирус жұқтырған бірде-бір адам тіркелмеген. Осыған байланысты, Көліктегі бас мемлекеттік санитар дәрігер Сәдуақас Байғабыловтың қаулысы бойынша 11 мамырдан бастап жолаушылардан ПЦР тестінен өткені туралы анықтама талап етілмейді. Бұл туралы мәлім етті.

«Ағымдағы жылдың 1-10 мамыры аралығында әуе жолаушылары, әуежайлардың қосалқы қызмет қызметкерлері және әуе кемелерінің экипаждары арасында жүргізілген мониторинг нәтижелері бойынша коронавирус инфекциясын жұқтырған жағдай тіркелмеген. Қашықтық сақтау, анкета толтыру, маскамен жүру, шығарып салушыларды терминал ғимаратына жібермеу сияқты талаптар бұрынғыдай қала береді», - деп түсіндірді ол.

Естеріңізге сала кетейік, Көліктегі бас мемлекеттік санитар шешімімен 7 мамырда ұшақтарға жолаушылар бір орын қалдырып отыруы тиіс деген талап алынып тасталғанын хабарлады.

«Біз екі қалаға келіп жатқан жолаушыларды күн сайын бақылап отырдық. Оның үстіне жолаушылардың өз денсаулығына үлкен жауапкершілікпен қарайтынын байқадық. Осыған көз жеткізгеннен кейін ғана ұшақтарға жолаушыларды толық отырғызуға мүмкіндік бердік. Бұл әу баста қаулы қабылдаған кезде осылай жоспарланған болатын», - деп түсіндірді ол.