Әлеумет
Қазақстан су тасқыны бойынша Өзбекстанға наразылық нотасын жолдамайды - СІМ
- author «Ақ жол»
- 5 мамыр, 2020
- 219
![Қазақстан су тасқыны бойынша Өзбекстанға наразылық нотасын жолдамайды - СІМ](https://aqjolgazet.kz/uploads/resized-images/2020/05/5eb12a7ce5a95578478515.jpg)
Қазақстан су тасқыны бойынша Өзбекстанға наразылық нотасын жолдамайды - СІМ
Сыртқы істер министрлігі Түркістан облысындағы жағдайға қатысты түсініктеме берді
ҚР Сыртқы істер министрлігінің ресми өкілі Айбек Смадияров Өзбекстан Республикасы аумағындағы Сардоба су қоймасы бөгетінің бұзылуы және оның салдарынан Түркістан облысының бірқатар елді мекендерін су басу бойынша жағдай Үкімет бақылауында екенін айтты.
«2 мамырда Қазақстан Президенті Қасым-Жомарт Тоқаев Өзбекстан Президенті Шавкат Мирзиёевпен телефон арқылы сөйлескені және сұхбат барысында тараптар орын алған жағдайды нақты талқылап, екі ел үкіметі үйлесімді жұмыс атқаратыны туралы уағдаласқаны мәлім. Су басу салдарын бірлесіп жою бойынша үкімет пен шекаралас өңір басшыларының өзара тығыз іс-қимылын назарға ала отырып, өзбек тарапына ҚР Сыртқы істер министрлігінің нотасын жолдау мәселесі қарастырылмайды», - дейді ол.Түркістан облысының әкімі Өзбекстанның көршілес өңірлеріне жедел түрде сапар жасады, сондай-ақ өзбек тарапымен қажетті келіссөздер жүргізіп, оның қорытындылары туралы Үкіметтің бүгінгі отырысында баяндады.
«Өздеріңізге мәлім, Премьер-министрдің орынбасары Роман Скляр бастаған Үкіметтік комиссия құрылды. Ертең ол Түркістан облысы мен Өзбекстанға бірлескен іс-қимыл алгоритмін пысықтау үшін барады. Екі тараптың барлық байланыстары толықтай Мәңгілік достық және стратегиялық әріптестік туралы шарттардың және Трансшекаралық су ағындары мен халықаралық көлдерді қорғау және пайдалану жөніндегі Конвенцияның нормаларына сәйкес жүзеге асырылады», - деп түсіндірді ол.Еске салайық, Түркістан облысы Мақтаарал ауданында 6 127 тұрғыны бар 5 елді мекен - Жаңа Тұрмыс, Жеңіс, Фирдоуси, Өргебас, Достық ауылдары толығымен су астында қалған. 14 елді мекеннен 31 606 тұрғын эвакуацияланды.
Ұқсас жаңалықтар
Құтқарушыны қандай жағдайда шақыру керек?
- 5 қыркүйек, 2024
Өрт қауіпсіздігі айлығы өтуде
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді