Әлеумет
Жамбыл облысынан Мақтарал тұрғындарына гуманитарлық көмек жіберілді
- author «Ақ жол»
- 4 мамыр, 2020
- 181
![Жамбыл облысынан Мақтарал тұрғындарына гуманитарлық көмек жіберілді](https://aqjolgazet.kz/uploads/resized-images/2020/05/2020_05_04_3e4d8b52d43adbdfde218d618f927afa.jpeg)
Жамбыл облысынан Мақтарал тұрғындарына гуманитарлық көмек жіберілді
Апат айтып келмейді. Жуырда ғана, яғни 2 мамыр күні көрші Түркістан облысы, Мақтаарал ауданының шекарасындағы орталық коллектордан су жайылып, орын алған төтенше жағдай салдарынан бірнеше елдімекен су астында қалған еді.
![](https://egemen.kz/media/2020/05/04/3e4d8b52d43adbdfde218d618f927afa.jpeg)
Аталған мәселеге қатысты Мемлекет басшысы Қасым-Жомарт Тоқаев тиісті басшыларға нақты тапсырмалар берген болатын. Бұл орайда Жамбыл облысының әкімдігі Түркістан облысы, Мақтарал ауданының тұрғындарына, жалпы аталған өңірдің су басқан аймақтарына гуманитарлық көмек көрсетті. Азық-түлік және тұрғындар үшін қажетті тауарлар тиелген жүк көліктері көрші облысқа аттанды.
«Жергілікті кәсіпкерлердің қолдауымен 30 тонна азық-түлік өнімдері жиналды. Оның ішінде 10 тонна ұн мен күріш, 5 тонна қант, 2 тонна макарон және өсімдік майы, 1 тонна қарақұмық бар. Сонымен қатар, қиын жағдайға тап болған азаматтарға арналған гуманитарлық көмекке 10 мыңға жуық тауар түрлері, атап айтсақ, аяқ-киім, футболкалар, жейделер, шалбарлар, балалар киімдері, төсек-орын жабдықтары және басқа да заттар жиналды», дейді Жамбыл облысы әкімінің орынбасары Нұржан Календеров.
Хамит ЕСАМАН
Жамбыл облысы
Ұқсас жаңалықтар
Құтқарушыны қандай жағдайда шақыру керек?
- 5 қыркүйек, 2024
Өрт қауіпсіздігі айлығы өтуде
- 5 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді